دعائیں، ایمان اور نماز سے متعلق اذکار

ترجمہ: اے اللہ! ہم تجھ ہی سے مدد مانگتے ہیں، تجھ ہی سے بخشش چاہتے ہیں، تجھ پر ایمان لاتے ہیں، تجھ پر بھروسا کرتے ہیں، تیری بہترین تعریف کرتے ہیں، تیرا شکر کرتے ہیں اور ناشکری نہیں کرتے؛ اور جو تیری نافرمانی کرے اسے چھوڑ دیتے ہیں۔ اے اللہ! ہم تیری ہی عبادت کرتے ہیں، تیرے ہی لیے نماز پڑھتے اور سجدہ کرتے ہیں، تیری ہی طرف دوڑتے اور کوشش کرتے ہیں، تیری رحمت کے امیدوار ہیں اور تیرے عذاب سے ڈرتے ہیں؛ بے شک تیرا عذاب کافروں کو پہنچنے والا ہے۔

ترجمہ: اے اللہ! ہمارے زندہ اور مردہ، حاضر و غائب، چھوٹے و بڑے، مرد و عورت سب کی مغفرت فرما۔ اے اللہ! ہم میں سے جسے زندہ رکھے اسے اسلام پر زندہ رکھ، اور جسے وفات دے اسے ایمان پر وفات دے۔

ترجمہ: میں ایمان لایا اللہ پر، اس کے فرشتوں پر، اس کی کتابوں پر، اس کے رسولوں پر، قیامت کے دن پر، اور اس بات پر کہ اچھی اور بری تقدیر اللہ تعالیٰ کی طرف سے ہے، اور موت کے بعد دوبارہ اٹھائے جانے پر۔